Nadiskubrihan sang mga otoridad sa Ukraine ang 440 ka mga bangkay sang tawo, nga ginlubong sa isa lamang ka lulubngan sa siudad sang Izium.
Isa ang siudad sa mga lugar sa pungsod Ukraine nga ginsakop sang Russian military.
Nagapati ang mga otoridad sa Ukraine, nga nangin biktima sang mga pagpamomba ang mga nagkalamay, nga ginbutang sa mass grave okon isa lamang ka lulubngan.
Ini na ang pinakadaku nga lulubngan nga nadiskubrihan sa Ukraine, matapos nga ginbawi sang Ukrainian forces gikan sa mga Russians sang Izium city.
Sang tinalikdan gid lamang nga semana, linibo ka mga residente sang siudad ang nagbiya sa lugar bangud sang ginalunsar nga pagpangatake sang Russian forces.
Ginabasol ni President Volodymyr Zelensky ang Russia sa ginapatigayon nga pagpamomba sa mga sibilyan kag pagbiya sa mga bangkay.
