BACOLOD CITY – Nagbiyahe na sumugod subong nga adlaw, Lunes, Setyembre 12, 2022 ang 45 ka mga modernized jeepney sa idalom sang MBMJ (Matthew Bryce Maurice Jamora) and Uy Corporation and Services Inc. sa siudad sang Bacolod.
Nahibaluan nga ang nasambit nga korporasyon ang may yara sang tatlo ka mga operators nga ginalakipan nanday Rene Antones, Mary Jane Uy kag John A. Jamora.
Sa interview sang Radyo Bandera Bacolod kay Mrs. Nerissa Jamora, sa 45 ka mga units, 20 diri ang may ruta nga Alijis, RPHS—Central Market samtang 25 naman ang Bata—Libertad.
Ang isa ka unit ang may yara sang 22 ka sitting capacity kag walo naman ang standing capacity.
Ini ang may yara sang aircon, CCTV camera kag GPS.
Suno kay Jamora yara sa P13 ang minimum nga plete sa nasambit nga jeep.*
