Friday, March 29, 2024

5-anyos nga estudyante dyutayan ma-kidnap; suspek nadakpan

- Advertisement -

Dakop ang isa ka lalaki matapos gina-alegar nga i-kidnap sini kuntani ang 5-anyos nga estudyante sa syudad sang Quezon sini nga Biyernes, Setyembre 2.

Base sa imbestigasyon, yara ang bata sa guwa sang eskwelahan sang ginpamangkot ini sang iya manunudlo kun sin-o ang magasugat sa iya, sang hinali naman nga nagpakilala ang isa ka lalaki bilang amay sang estudyante.

A man allegedly attempts to kidnap a 5-year-old student in Quezon City. Photo from ABS-CBN.

Ginkarga sang lalaki ang bata nga nagresulta sa paghibi sini kag didto natingala ang mga manunudlo kag mga ginikanan sang iban nga estudyante kag ginkwestyon ang lalaki.

- Advertisement -

Bangud sa komosyon, gilayon nga nagpalagyo ang suspek apang nadakpan sang nagresponde nga mga opisyales sang barangay.

Ginpanghiwala naman sang suspek ang krimen kag ginsiling sini nga nagalahog lamang ini apang ini ang ginatudlo sang mga saksi bilang suspek sa pag-kidnap kuntani sa bata.

Suno kay PLTCOL Von June Nuyda, station commander sang Quezon City Police District (QCPD) 4, nahibaluan nga may una nga mga kaso ang suspek sang child abuse kag paggamit sang iligal nga droga.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles