“As part of our future plans, my team is already discussing how to build 5,000 on-site housing units in one year. Indi na naton i-relocate ang informal settlers sa lagyo nga mga lugar,” pahayag ni Bacolod City Mayor Albee Benitez sa tion sang iya inagurasyon.
Na-identify na sang team ni Mayor Benitez ang mga priority sites kag ila paga-unahon nga mapatindugan sang balay ang mga pamilya nga yara sa danger zones kapareho sang Boulevard.
“We are in talks with housing financial market experts to mobilize the initial funding for this program,” suno kay Benitez.
Iya pa gindugang nga hatagan sang options ang mga pamilya kun sila ang maga-tener sa onsite housing ukon mag-relocate sa housing projects kun diin sila ang pagahatagan man sa gihapon sang transportasyon pakadto sa ila ulobrahan.
“Indi man magproblema sa balayran sa housing unit – because we will establish a house-for-work program. Ubrahan n’yo lang sa required number of hours, bayad na kamo sa inyo amortization sa balay,” dugang pa ni Benitez.*
