52-anyos nga Lalaki Ginbuno-patay sang iya Hinablos bangud sa Pagpangimon

Dead-on-the-spot ang 52-anyos nga biktima samtang pilason ang duha pa ka paryente sa pagpangbuno sang 21-anyos nga hinablos sa syudad sang Cavite sang Lunes, Hunyo 20.

Natabo ang insidente takna las-5:30 sang kaagahon samtang nagakatulog ang mga biktima sa isa ka kwarto sang nagsulod ang suspek nga may dala nga kutsilyo.

Nahibaluan nga nagapangimon ang hinablos sa iya nga tiyo bangud ginapangaluyagan sini ang iya nga nobya.

Nakilala ang 52-anyos nga biktima nga si Angelo Cabaquit nga nakaagum sang madamo nga buno sa iya nga lawas nga gintunaan sang iya kamatayon.

Samtang gina-obserbahan pa ang duha nga sanday Mark Allan Cabaquit, 21-anyos kag isa pa nila ka paryente nga 14-anyos; lunsay mga residente sang Justo St., Brgy. 32.

Gindakop naman ang suspek nga si John Vincent Caba­quit, 21-anyos nga residente sang nasambit nga syudad.

Suno kay Police Lt. Col. Gilbert Cruz, hepe sang syudad, nangimon ang suspek sa iya kaugalingon nga tiyo bangud ginpangaluyagan sini ang iya nga nobya.