Wednesday, July 24, 2024

52-anyos Nga Lalaki Pilason Matapos Mabun-an sa Banwa Sang Pontevedra

- Advertisement -

Pilason kag padayon nga ginabulong sa opsital ang 52-anyos nga si Romy Paulan sang Sitio Hunob, Barangay General Malvar sa banwa sang Pontevedra, Negros Occidental matapos ini siya ang nabun-an pasado las 10 kagab-i, Mayo 23.

Detinado naman sa karon ang suspetsado nga si Rolando Milleona, 38-anyos sang amo man nga lugar matapos ini siya ang gilayon nga nadakpan sang Pontevedra Municipal Police Station sa ginpatigayon nga hot-pursuit operation.

Suno kay Police Lieutenant Lowell Peniero, deputy chief of police sang Pontevedra Police Station nga wala man sang inaway ukon dumtanay ang duha sang hinali na lang nga ginbuno ni Milleona si Paulan sa dughan kag tiyan sang wala ka rason-rason sang ini ang iya nasugata sa madulom nga bahin sang amo nga lugar.

- Advertisement -

Kahulogbon ang gina-lantaw rason sang kapulisan sa natabo nga krimen bangud lunsay nakainom ang suspect kag biktima kagab-i.

Narekober pa sang mga kapulisan ang gingamit sang suspetsado nga kutsilyo, nga may mga dugo pa, sang ini ang gindakop sa ila puluy-an. Wala naman nagpamalibad pa si Milleona sa nahimo nga krimen kag ini siya ang magapangatubang sang nagakaigo nga kaso, suno sa kapulisan.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles