520 KA BAG-O NGA DELTA VARIANT CASES NARECORD SA PILIPINAS

Nakarecord ang Pilipinas sang 520 ka bag-o nga Delta coronavirus variant cases, suno sa Department of Health (DOH).

Ini ang halin sa gin-test nga 748 ka positive samples nga nag-agi sa genome sequencing, dugang pa sang DOH.

Bangud diri, naglab-ot na sa 5,331 ang kabilugan nga kaso sang Delta nga na-detect sa pungsod.

Samtang, naka-detect man ang DOH sang 83 ka dugang nga Beta variant kag 64 pa nga Alpha variant.

Sa karon, yara sa 3,562 na ang kabilugan nga Beta variant nga na-detect sa Pilipinas samtang 3,106 ang sa Alpha.