Thursday, March 28, 2024

54-anyos nga gina-alegar myembro sang NPA patay sa engkwentro sa Guihulngan City, Negros Oriental

- Advertisement -

GUIHULNGAN CITY, NEGROS ORIENTAL – Ginkumpirmar sang Philippine Army nga napatay ang isa sa mga gina-alegar myembro sang New People’s Army sa engkwentro nga naglawig sang lima ka minutos sa Sitio Taluktok, Brgy. Sandayao, sa syudad Guihulngan kaina sang aga sini nga Miyerkules, Hulyo 20.

Photo courtesy of 62nd Infantry Unifier Battalion.

Ginkilala ang napatay nga si Pompeo Landesa, 54-anyos nga residente sang Sitio Dako nga imbolbado sa mga kaso sang murder kag paglapas sa RA 10591 ukon Comprehensive Firearms and Ammunition Regulation Act.

Photo courtesy of 62nd Infantry Unifier Battalion.
Photo courtesy of 62nd Infantry Unifier Battalion.

Nakumpiskar gikan sa rebelde nga grupo ang isa ka KG9 nga may magazine, isa ka magnum 357 nga may tatlo ka mga bala, isa ka granada, kag subersibo nga mga dokumento.

- Advertisement -
Photo courtesy of 62nd Infantry Unifier Battalion.
Photo courtesy of 62nd Infantry Unifier Battalion.

Nagluntad ang engkwentro samtang nagapatigayon ang mga soldado sang 62nd Infantry Battalion (IB) sang operasyon sa lugar pagkatapos makabaton sang reports halin sa concerned citizens nga ginakwartahan sila sang mga rebelde.

Ginapangita sa gihapon sang 62IB ang ginabulubanta apat pa ka gina-alegar myembro sang rebeldeng grupo nga nakapalagyo sa wala pa mahibaluan nga direksyon.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles