Patay ang 55-anyos nga lalaki nga ginkilala kay Esmael Siason matapos nga luthangon sang suspetsado sa Sitio Mambucano, Brgy. Cabatangan ciudad sang Talisay Negros Occidental subong nga adlaw Hunyo 15, 2020.
Ginkilala ang suspek nga si Rolly Treveles legal ang pang-edaron residente man sang nasambitan nga Barangay.
Nahibaloan sa imbestigasyon sang Talisay PNP nga samtang nagalakat sa nasambitan nga Sitio ang biktima ginpalukpan ini sang suspetsado kag gilayon ini nga nagdalagan apang natumba ang biktima kag ginpalapitan ini sang suspek kag gintiro sang makaduha ka beses sa iya sini nga dughan.
Gindala pa sa Talisay City Health Office ang biktima apang gindeklara ini nga dead on arrival.
Gilayon naman nga nakapalagyo ang suspek sa wala mahibaloan nga dereksyon, ginahibalo pa sa karon sang mga kapulisan ang motibo sa pagpatay sa biktima.
Padayon naman nga ginapangita ang suspek agud iya nga pagasabton ang nasambitan nga kremin.
