Tuesday, July 16, 2024

66-anyos nga lolo arestado matapos gina-alegar ginhimuslan ang 12-anyos nga bata nga babayi sa isa ka barangay sa Bacolod

- Advertisement -

Gindakup ang 66-anyos nga lolo matapos gina-alegar ginhimuslan ang 12-anyos nga bata nga babayi sa isa ka barangay sa syudad sang Bacolod.

Suno sa pag-interview sang Radyo Bandera kay Police Lieutenant Portia Nillosan, pinuno sang Bacolod City Women and Children Protection Desk (WCPD) sang Bacolod City Police Office (BCPO), gintawag sang suspek ang biktima nga manyaga sa ila nga balay sadtong Martes, Nobyembre 8.

Pagtapos nila magkaon, gintiklod sang suspek ang biktima sa sofa kag gin-uba sini ang pang-idalum nga panapton sang menor de edad nga bata.

- Advertisement -

Gintandog sang suspek ang dughan sang biktima kag gintinguhaan nga ipasulod ang iya kinatawo.

Sa tion nga ginapasulod sang suspek ang iya kinatawo, ginhambalan niya ang biktima nga “indi man ni magsulod man, padakuan mo ang buho kay testingan ko nga ipasulod.”

Bangud diri, wala na lang ginpadayon sang suspek ang paghimulos sa biktima. Sang magguwa na ang biktima sa balay, ginpahog pa ini sang suspek nga indi na siya makaluwas kun manugid ini.

Nag-abot naman ang iloy sang biktima sa balay sang suspek kag ginpamangkot niya ang iya anak kun ano ang natabo.

Didto na ginpanugid sang biktima nga sadtong nagligad nga tuig pa siya gina-meteran nga himuslan sang suspek.

Hinali nga nangayo sang bulig ang iloy sang biktima sa katapo sang Bacolod City Police Station 8 tigayon nga nadakup ang suspek.

Ginpaidalum naman ang biktima sa medication examination kag ginahulat na lang sang mga kapulisan ang resulta para mapasakaan na sang kaso nga rape ang suspek.

Apang, sa pag-interview sang Radyo Bandera sa suspek, hugot niya nga ginpanginwala ang mga akusasyon batuk sa iya.

Suno sa suspek, nakibot na lang siya nga yara na ang bata sa iya nga balay kag nagapangayo sang kwarta.

Naluoy naman ang suspek sa biktima rason nga ginhatagan niya ini sang kwarta kag bugas.

Bangud diri, masami na nga nagakadto ang bata sa balay sang suspek.

Gindugang pa sang suspek, aku-on niya ang akusasyon batuk sa iya kun ipaidalum ang biktima sa medical examination kag magpositibo nga ginhimuslan ini.

Sa karun nakahunong sa Bacolod City Police Station 8 ang suspek.

Para sa mga biktima sang pagpanghimulos, sarang nga makig-angut sa Bacolod City Police Office hotline number nga 09985984759 kag sa Women and Children Protection Desk hotline number nga 434-8659.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles