Friday, March 29, 2024

66-anyos nga lolo gin-ako ang ginhimo nga paghimulos sa 12-anyos nga dalagita sa isa ka barangay sa Bacolod

- Advertisement -

UPDATE — Gin-ako na sang 66-anyos nga lolo ang ginhimo nga paghimulos sa 12-anyos nga dalagita sa isa ka barangay sa Bacolod, sini nga Huwebes, Nobyembre 10, 2022.

Suno sa pag-inteview sang Radyo Bandera kay Police Lieutenant Portia Nillosan, pinuno sang Bacolod City Women and Children Protection Desk (WCPD) sang Bacolod City Police Office (BCPO), sandig sa medico legal, may yara sang laceration nga nakit-an sa kinatawo sang biktima.

Bangud diri, ginpahayag sang kapulisan nga positibo nga gintandog sang suspek ang dalagita nga biktima.

- Advertisement -

Nahibaluan nga ginhingagaw kagab-i nga gin-inquest ang kaso nga rape batuk sa suspek.

Sa pag-interview sang Radyo Bandera sa suspek, gin-ako sini nga ginhimuslan niya ang biktima kag suno sa iya, ulihi niya nga gintandog ang dalagita sadtong bulan sang Oktubre.

Wala naman naghatag sang iban pa nga detalye ang suspek bangud wala pa ini sang abogado.

Nakahunong karun ang suspek sa Bacolod City Police Station 8.

Para sa mga biktima sang pagpanghimulos, sarang nga makig-angut sa Bacolod City Police Office hotline number nga 09985984759 kag sa Women and Children Protection Desk hotline number nga 434-8659.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles