- Advertisement -
Patay ang isa ka babayi matapos gin-atake sang karabaw sa syudad sang Lamitan sa probinsya sang Basilan.
Suno sa imbestigasyon, nagapadulong ang 67-anyos nga biktima sa iya ginabantayan nga rubber plantation sang wala sini natalupangdan ang karabaw.
Ginpahayag sang mga otoridad nga nasapwan ang biktima sa hilamunan nga wala na sang kabuhi kag bayo.
- Advertisement -
Naka-angkon naman sang madamo nga lagob sa lawas ang biktima bangud sa nagluntad nga insidente.
Wala naman sang may makita nga “foul play” ang mga kapulisan bangud natukiban sa sungay sang karabaw ang pila ka mga nagisi nga tela sang bayo sang biktima.
Sandig sa himata sang biktima, masami nga nagapang-atake ang ila hinuptanan nga karabaw.
- Advertisement -
