Wednesday, February 8, 2023

70 anyos nga lalaki nasal-an nga baboy ramo, ginluthang, patay

- Advertisement -

Bangud sang “fatal” nga igo sang bala sa lawas, nabawian sang kabuhi ang 70 anyos nga lalaki sa Zamboanga del Sur.

Nagluntad ang insidente, martes sang gab-i sa tunga mismo sang talamnan sang mais, sa banwa sang Tigbao.

Ginkilala ang biktima nga si Antonio Marquez Barcenal kag ang suspek naman amo ang 33 anyos nga si Limpiado Tapic.

- Advertisement -

Suno sa kapulisan, las 5:45 sang hapon, nagpadulong sa puluy-an nga ginabutangan sang mga mais si Tapic kaupod si Dennis Bacus Laure, agud maglisensya kay Barcenal nga mangita sang baboy ramo sa lugar.

Matapos ang isa ka oras nga paghulat, nagdulhog na lamang sa bukid si Tapic, bangud naghuna huna ini nga nagbiya na si Barcenal sa uma.

Las 7:00 sang gab-i, nabatian nanday Tapic kag Laure ang gahod sa tunga sang talamnan sang mais.

Samtang nagapalapit sa kamaisan, nabatian ni Tapic ang matunog pa gid nga huni kag diri naluthangan sang suspek ang biktima nga 70 anyos.

Nadiskubrihan na lamang sang suspetsado nga indi baboy ramo ang naigo sang luthang, matapos ini nga nagpalapit sa ginahamtangan sang biktima.

Gilayon man nga gin report sang suspek sa mga otoridad ang insidente.*

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles