Wednesday, February 8, 2023

700 KA INDIBIDWAL NABAKUNAHAN; 13 NAKABATYAG SANG SIDE EFFECT SA UNA NGA ADLAW SANG COVID-19 VACCINE ROLLOUT SA PILIPINAS

- Advertisement -

Naglab-ot sa 700 ka health workers ang nabakunahan sang Sinovac COVID-19 vaccine sa una nga adlaw sang vaccination program sang gobyerno kahapon nga adlaw, Lunes, Marso 1, suno sa isa ka opisyal.

Sa isa ka interview, ginsiling ni Department of Health spokesperson Usec. Maria Rosario Vergeire nga base sa ila datos, naglab-ot sa 404 ka health workers halin sa mga COVID-19 referral hospital sa National Capital Region ang nabakunahan.

Wala pa nalakip diri ang 365 ka indibidwal nga nabakunahan sa Veterans Memorial Medical Center (VMMC).

- Advertisement -

Ginkumpirmar ini ni VMMC head Dominador Chiong Jr. alas 8:00 kagab-e.

Nagakahulugan nga naglab-ot sa 769 ka indibidwal ang nabakunahan sang Sinovac vaccine sa una nga adlaw sang vaccination program sang gobyerno.

Magluwas sa VMMC, ginkasar man ang vaccination program sa Philippine General Hospital, V. Luna Medical Center, Dr. Jose N Rodriguez Memorial Hospital, Pasig City General Hospital, Philippine National Police General Hospital sa Camp Crame, kag sa Lung Center of the Philippines.

Yara naman sa 13 sa mga nasambit nga nabakunahan ang nabatyagan sang minor adverse effects, kalakip diri ang pagtaas sang blood pressure, pagpanakit sang parte sang lawas nga ginbakunahan, pagsuka, pagpangatol, kag mangin ang rashes.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles