Nabawian gid sang kabuhi ang 46 anyos nga babaye sa probinsya sang Laguna, matapos nga ginbuno sang makapila ka beses sang iya “live in partner”.
Antis ang insidente, nagba-isay ang biktima kag ang 73 anyos nga suspetsado sa sulod mismo sang ila puluy-an, las 6:20 sang gab-i, biyernes, sa Sta. Rosa, Laguna.
Base sa alegasyon, nadiskubrihan sang suspek pinaagi sa cellphone, nga may karelasyon ang iya partner kag diri nagluntad ang komprontasyon.
Bangud sang tuman nga kaakig kag pagpangimon, nagkuha ang suspek sang patalum kag ginbuno ang biktima sang makapila ka beses.
Suno sa kapulisan sa Laguna, lima ka tuig na nga naga-updanay ang biktima kag suspek, antis nagluntad ang kremin.*
