Monday, September 26, 2022

8 ka miyembro sang isa ka pamilya sa Bacolod, gin-igo sang COVID-19; duha ka unvaccinated nga mag-utod, patay

- Advertisement -

Nagpositivo sa coronavirus disease (COVID-19) ang walo ka miyembro sang isa ka pamilya sa Barangay Banago, syudad sang Bacolod, duha sa ila ang napatay, suno sa report sang Bacolod City Emergency Operations Center.

Ang duha nga napatay nga mag-utod nga lalaki ang pareho nga wala makabaton sang bakuna batuk COVID-19, suno sa EOC.

Sandig sa datus sang contract-tracing, ang una nga miyembro sang pamilya nga nakakuha sang virus amo ang 39-anyos nga lalaki, nga isa ka event organizer. Siya ang napatay sang Setyembre 1.

- Advertisement -

Nagpakita ini sang simtomas kapareho sang hilanat, ubo kag trangkaso sumugod Agosto 25 kag ang iya RT-PCR result ang nagpakita nga siya ang positibo sa COVID-19.

Ang iya kamatayon ang ginsundan sang iya 35-anyos nga utod sang Setyembre 11.Nagpositibo man sa virus ang ila 68-anyos nga tatay, nga naka-eksperyensya sang mild symptoms. Siya ang vaccinated.

Ang nagaisahanon nga nag-negatibo sa COVID-19 amo ang ila 75-anyos nga nanay nga vaccinated naman.57 na ka mga indibidwal ang napatay sa coronavirus sa Bacolod sa sulod lang sang 16 ka adlaw sini nga Setyembre, suno sa record sang EOC.51 sa mga ini ang unvaccinated, tatlo ang partially vaccinated kag tatlo ang fully vaccinated.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

0FansLike
- Advertisement -

Latest Articles