Wala pa gid makilala ang 8 ka mga napatay nga ginapatihan nga katapu sang rebeldeng CPP-NPA sa engkwentro sa tunga sang Philippine Army kag CPP-NPA sa Sitio Agit, Brgy. Trindad, Guihulngan, Negros Oriental.
Ini ang ginpahayag ni Major Cenon Pancito III, spokesman sang 3ID sang Philippine Army sa interview sang Radyo Bandera.Suno kay Pancito nga wala pa sang bisan isa ka pamilya nga nagclaim sa amu nga mga nagkalamatay.
Gindugang pa ni Pancito nga namonitor sang katapu sang army nga nagtipon ang kapin sa 40 ka mga NPA sa isa ka lugar sa Guihulngan City gani ila ginpatigayon ang nasambit nga operasyon.
Sa amu nga operasyon natigayon man nga ma rekober ang 11 ka mga matag-as nga mga kalibre sang armas kag iban pa nga mga pagkabutang.
Wala naman sang may ginreport nga napilasan sa bahin sang militar kag nagapadayon ang clearing operation sa lugar.
