Friday, March 29, 2024

8 ka tuig nga bata ginkastigo-patay sang tiyo nga transgender kag partner sini; Utod sang bata gin-alegar ginhimuslan

- Advertisement -

Nangin makalolooy ang sitwasyon sang mag-ulutod nga kabataan sang Overseas Filipino Worker (OFW) sa Quezon City, matapos nga gin abuso sang ila kaugalingon nga himata.

Gintampa, ginsipa kag ginbunggo sa dingding ang bata antis nga na coma kag nabawian sang kabuhi sa ospital.

Base sa alegasyon, ginkaon sang bata ang pamahaw kag wala nabinlan ang mga biktima, gani ginkastigo ini sang suspetsado nga si Rodney Lucas Manaligod, isa ka transgender, nga naga edad sang 30 anyos kag residente sang Barangay Pasong Tamo, Quezon City.

- Advertisement -

Sang nag-abot ang live in partner ni Manaligod nga si Hassan Capuchino Balauag, 30 anyos, liwat nga ginkastigo ang bata tubtub nga nalipong kag duguon.

Gindala pa sa ospital sang mga suspetsado ang biktima kag nagbinutig nga naaksidente ang bata.

Wala ang iloy sang kabataan sang magluntad ang kremin bangud nagatrabaho ini sa Saudi Arabia.

2021 pa sang nag umpisa ang pagmaltrato sa tatlo ka mag-utod nga karon naga edad na sang pito ka tuig, walo ka tuig kag napulo ka tuig.

Base man sa alegasyon, ginahimuslan pa sang suspek nga si Balauag ang utod nga babaye sang biktima, nga naga edad sang napulo pa lamang ka tuig.

Nagluntad ang pagkastigo sa walo ka tuig nga bata sang tinalikdan nga Nobyembre 8.

Sa bulig sang concerned citizen, nadakpan ang mga suspek sang Nobyembre 17, samtang nagapanghimos agud nga magpalagyo.

Gintuyo pa sang suspek nga si Balauag nga bun-on ang isa ka pulis nga naga aresto sa iya.

Kaso nga murder kag direct assault ang ginpasaka sang mga otoridad batuk sa duha ka mga suspek.

Pasakaan man sang kaso nga paghimulos okon rape si Balauag kon mapatud-an nga positibo sa pagpang-abuso ang pulo ka tuig nga utod sang biktima.*

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles