Yara sa walo ang napatay samtang madamo ang napilasan sang gindumog sang mga tawo ang ginpatigayon nga Astroworld musical festival sa Houston, Texas, USA.
“The crowd began to compress towards the front of the stage and that caused some panic and it started causing some injuries,” pahayag ni Houston fire chief Samuel Pena sa isa ka press conference.
Base sa report, ginabulubanta 50,000 ka indibidwal ang nagtambong sa Astroworld Festival sa NRG Park.
Nagsugod nga magdugok ang mga tawo alas 9:00 sang gab-e, Biyernes sa nasambit nga event.
Suno pa sa mga otoridad, naglala ang pagdugok sang may natabo nga mass casualty ukon napatay sa insidente.
Nahibaluan nga nagdinugok ang mga tawo padulong sa stage sang nag-perform na ang rapper nga si Travis Scott.
