Ginreport sang Department of Health (DOH) sang Martes nga adlaw nga may yara naman sang 814 ka mga bag-o nga kaso sang Omicron subvariants ang narekord sa Pilipinas.
Sandig sa datos nga ginpaguwa sang DOH, sa kabilugan nga kaso, 688 ang bag-o nga kaso sang Omicron BA.5; 16 ang BA.4 kag 110 ang sa idalum sang kategorya nga “other sublineages.”
Sa mga bag-o nga BA.5 cases, 126 ang nag gikan sa National Capital Region (NCR); 104 ang halin sa Region 6; 75 ang gikan sa Region 2; 73 ang sa Cordillera Autonomous Region (CAR); 56 sa Region 4A; 54 ang nag gikan sa Region 12; 50 sa Region 1; 37 sa Region 3; 25 halin sa Region 9; 18 sa Region 7; 17 sa Region 4B; 16 sa CARAGA; 15 sa Region 5;6 ang naggikan sa BARMM; kag duha sa Regions 10 kag 11; samtang isa naman sa Region 8.
Sa nasambit nga rekord, 677 ang local cases samtang 11 naman ang returning overseas Filipino workers (OFWs).
Suno sa DOH, ang mga resulta ang nakabase sa latest sequencing run nga ginpatigayon nila humalin Setyembre 16 tubtob 19, 2022.
Ang mga specimen nga gin tan-aw ang nakolekta naman humalin Hulyo 17 tubtob Setyembre 11, 2022.
