Padayon nga nagadamu ang mga bangkay nga nakuha sang mga otoridad sa Shakahola forest.

Sa report sang Inquirer, ang mga nagkalamatay ang lunsay mga tumuluo sang Good News International Church nga nakabase sa eastern Kenya.

Photo courtesy of Pulse Kenya

Base sa report, gin engganyo ang mga tumuluo nga magsulod sa kagulangan kag magpagutom tubtub nga mabawian sang kabuhi, agud nga makasaka sa langit kag makita ang Diyos.

Kalabanan sa mga bangkay nakuha sa manabaw lamang nga mga lulubngan.

May mga tumuluo nga buhi pa sang masapwan sa sulod sang 800 hectares nga Shakahola forest, apang nabawian man sang kabuhi.

Base sa report, nadugangan sang 16 ang bangkay nga na recover, gani nagsaka na sa 89 ang kadamuon sang nagkalamatay nga mga tumuluo, gikan sa 73 nga gin report, Martes nga adlaw, Abril 25.

34 naman ka mga tumuluo ang na rescue.

Ginkumpirmar sang Kenyan Red Cross, nga kapin sa 200 pa ka mga persona ang gindeklarar “missing”.

Ginkasubo naman sang mga opisyal sa Kenya ang paggamit sang Biblia, agud nga makapanghalit sa mga pumuluyo.

Ginkilala ang lider sang kulto nga si Paul Mackenzie.

Naaresto na ang pastor kag nagpamalibad man sa pagkaon kag pag-inom sang tubig.

Leave a Reply