Friday, March 29, 2024

9-anyos nga babayi ginhimuslan sa evacuation center sa Zamboanga City

- Advertisement -

Arestado ang isa ka lalaki matapos ginhimuslan ang 9-anyos nga babayi sa banyo sang evacuation center sa Zamboanga City.

Ginkilala ang suspek nga si Alan Abenejo, 46-anyos kag residente sang Barangay Tumaga sa nasambit nga syudad.

Ginpanginwala naman ni Abenejo ang akusasyon batuk sa iya kag ginsiling nga wala siya sa evacuation center sadtong adlaw sang natabo ang insidente.

- Advertisement -

Suno sa imbestigasyon, kaupod sang biktima ang iya utod nga nagpabilin sa evacuation center sang ginpalapitan sila sang suspek.

Nahibaluan nga nagpaupod ang suspek sa duha ka bata nga magkadto sa banyo kag didto niya ginhimo ang pagpanghimulos sa biktima. Ginhatagan sang suspek ang biktima sang P50 matapos ang insidente.

Apang, nanugid ang biktima sa iya nga teacher kag ila ini ginreport sa kapulisan nga nagresulta sa pagkadakup sa suspek.

Sa ginpatigayon nga medical examination, nakita sa bata ang “slight laceration” kag “seminal fluid” sa iya nga kinatawo.

Ginpasakaan na sang kaso nga rape ang suspek kag pagahugton pa sang kapulisan ang pagbantay sa mga evacuation center.

via GMA

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles