Patay ang 9-anyos nga bata nga babayi matapos ini ang nabungguan sang Hyundai Riena Sedan, nagtabog sa pihak nga linya kag natapakan pa gid sang Rusi Chariot Trike sa national highway, Rizal Street sa Barangay Lag-asan sa syudad sang Bago, Negros Occidental, takna las 10:25 sang aga, Sabado, Hulyo 3, 2022.
Nagtabok ang biktima padulong norte nga bahin sang highway sang ini ang nabungguan sang Sedan nga ginamaneho ni Nat Arnel Amar, 28-anyos, kag residente sang Barangay Zone II, banwa sang Pulupandan, Negros Occidental, suno sa report sang Bago City Police Station.
Sakay sang Sedan amo sanday Manelle Amar, 29-anyos, Mary Jane Amar, Justine Angelo Amar, 23-anyos, kag ang 4 ka bulan nga bata.
Nagapakadto sa nakatungdan nga bahin sang Rizal Street ang Sedan sang mabungguan sini ang biktima.
Nagtabog ang menor de edad nga biktima kag nagtupa sa pihak nga lane kung diin ini ang natapakan pa gid sang nagapadulong nga Rusi Chariot Trike.
Loaded sang mga feeds supply ang trike kag nagapadulong sa nasidlangan nga bahin sang inner lane. Ginamaneho ni Roniel Negare ang trike.
Gindala sa Bago City Hospital ang biktima apang ini ang gin-deklarar nga dead-on-arrival.*
