Ginpasidunggan ang siyam ka mga personalidad sa ginpatigayon nga German Moreno Walk Of Fame Foundation kahapon, Miyerkules, Enero 18.
Nalakip na diri sanday olympic champion Hidilyn Diaz, aktres nga si Maja Salvador, journalist Mario Dumaual, national artist Ricky Lee, singer nga si Janet Basco, broadcaster Gerry Baja kag ang mag-utod nga sanday Ranz Kyle kag Niana Guerrero.
Nakuha man ni anay national artist for theater nga si Tony Mabesa ang posthumous award.
Ginpangunahan nanday Kevin Tan, chairman sang organisasyon kag President Federico Moreno ang selebrasyon.
Ang nasambit nga pagpasidungog ang ginapakigbahin sang mga personalidad nga yara sa patag sang film, television, music, theater, news and public affairs, sports, radio kag social media.
Matapos sang pag-usbong sang COVID-19 pandemic, amo man ang pagbalik sang German Moreno Walk of Fame Foundation.*
