Abanse Negrense, Kampeon sa 6th Philippine Superliga Beach Volleyball Challenge Cup

Nangin madinalag-on ang Abanse Negrense nga sanday Erjane Magdato kag Alexa Polidario sa 2021 Philippine Superliga Beach Volleyball Challenge Cup sa Subic Bay, sini nga adlaw sang Domingo, Pebrero 28.

Ginlutos nanday Magdato kag Polidario sanday DM Demontaño kag Jackielyn Estoquia sang Sta. Lucia sa hampang para sa bulawan nga medalya sa score nga 21-15-21-17.

Ang PSL Beach Volleyball Challenge Cup ang pinaka-una nga pagsambuwa sa volleyball nga ginhiwat sa Pilipinas sumugod nga nag-pandemya.

Gintuyo sang organisasyon nga patigayunon ang pahampang nga ginkatapuan sang Pinoy players sa Subic Bay matapos makakuha sang approval halin sa lokal nga panguluhan.*