Nagpangayo sang pasaylo si AJ Raval kay Kylie Padilla matapos niya ginpakigbahin sa social media ang pahayag sang nagapangaluyag sa iya nga si Aljur angot sa pagbulag sini sa anay asawa.
“Shinare ko lang ‘yun siguro dala ng emosyon, kasi I’m hurting,” pahayag ni AJ sa iya Tiktok.
“Kay Kylie, I’m sorry kung shinare ko ‘yung statement na ‘yon. It’s not my intention to hurt anybody. I was just trying to protect myself… ‘Yun nga lang, mali ang way ko,” dugang pa sang aktres.
Suno pa kay AJ, apektado na ang iya mental health bangud sa isyu, rason para mag-social media detox anay siya.
Ginsiling pa sini nga sa madason nga tuig siya liwat nga magabalik sa social media.
Antes sini, ginklaro man ni AJ nga indi siya ang third party sa pagbulagay ni Kylie kag Aljur.
