Sa simple nga pagsaway nga indi mag-vape malapit sa bata, nagresulta ini sa pagbuno-patay sa isa ka amay.
Naga-bonding ang mag-amay sa guwa sang bantog nga café sa Vancouver, British Columbia samtang nagahulat sang ila order.
Nakita sang amay nga si Paul Stanley Schmidt nga naga-vape ang suspetsado nga si Inderdeep Singh Gosal malapit sa iya 3-anyos nga bata.
Ginsaway sini ang suspek apang imbes nga mag-untat na lamang sa pag-vape, namuwersa pa si Gosal kag nagkuha ini sang kutsilyo halin sa iya bulsa nga iya gingamit sa pagbuno sa biktima.
Luwas sa bata, nakit-an man sang fiancé sang biktima ang natabo.
“This is so horribly wrong what happened. He was just trying to protect his daughter. I’m angry and I’m sad,” pabutyag sang fiancé.
Nagapang-atubang si Gosal sang kaso nga ‘second-degree murder’ angut sa pagpatay sini sa biktima.
