Saturday, April 20, 2024

Amay indi Mabaton nga Napatay ang iya Anak, Nangbuno; Isa Patay, Duha Pilason

- Advertisement -

TONDO, MANILA – Patay ang isa ka lola samtang pilason naman ang mag-iloy sang ginbuno-buno sila sang ila padre de pamilya bangud indi ini mabaton ang pagkamatay sang iya anak nga lalaki samtang nakahaya ini sa Tondo, Manila sang Martes, Hulyo 26.

Sample photo of a dead body for visuals only. Photo from Radyo Todo.

Ginkilala ang napatay nga biktima kay Emedina Nabua, 69-anyos nga tag-iya sang sari-sari store samtang yara naman sa Jose Reyes Medical Center ang pilason nga mag-iloy sanday Jennifer Coquilla kag Ryza Conquilla, 3-anyos nga lunsay residente sang Dagupan Extension, Tondo, Manila.

Gindakup naman sang kapulisan ang suspek nga si Aries Coquilla, bana kag amay sang mga biktima nga si Jennifer kag Ryza.

- Advertisement -

Sandig sa inisyal nga imbestigasyon sang kapulisan, naghangkat sang away ang suspek bangud indi sini mabaton ang pagkamatay sang iya 16-anyos nga anak.

Nagkuha ini sang patalom kag ginbuno-buno ang iya mag-iloy samtang ginsulod niya man ang tiyangge kag ginbuno-buno niya ang tigulang nga ginbawian sang kabuhi.

Nagsungka naman ang suspek nga naga-atubang sa kaso nga homicide, 2 counts sang frustrated parricide kag alarm and scandal.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles