Amay nangayo pasaylo kay Mama Mary matapos ginkastigo ang iya baby

Nagluhod sa atubangan sang imahe ni Mama Mary kag nangayo sang pasaylo ang amay nga ginkastigo ang iya isa ka tuig nga anak sa Compostela, Cebu sang Biyernes, Setyembre 23.

Nadakpan ang suspek sang Setyembre 26 samtang nagapanago sa Carbon Market sa nasambit nga syudad.

Yara sa kritikal nga kahimtangan ang biktima nga nagapa-ayo sa Vicente Sotto Memorial Hospital.

Suno sa report, gin-atake kag ginsumbag sang suspek nga yara sa impluwensya sang ilegal nga droga, ang iya bata nga nagahibi.

Sang nakita sang suspek ang rebulto ni Mama Mary sa guwa sang Compostela police headquarters, hinali ini nga nagluhod kag nagpangayo sang pasaylo bangud sa iya nga ginhimo.

via Publiko