Patay ang isa ka amay matapos ini ginluthang sang anum ka wala pa makilal-an nga persona sa Sitio Agogolo, Barangay Macagahay sa banwa sang Moises Padilla, Negros Occidental, takna las 12:15 sang hapon, Miyerkules, Marso 2, 2022.
Ginkilala ang biktima nga si Jay Maykel Ledesma, 42-anyos, kag residente sang Barangay Up Town, Canlaon City, Negros Oriental.
Sandig sa imbestigasyon sang kapulisan, nagasakay sa Kawasaki Bajaj nga motorsiklo si Ledesma kaupod ang iya 14-anyos nga bata nga lalaki sang sila ang ginbanggaan sang anum ka mga armado nga kalalakin-an nga nagasuksok sang mask.
Ginbulag si Ledesma sa iya bata.
Nakabati ang bata sang anum ka gunfires halin sa lokasyon kung diin gindala ang iya nga amay.
Gindala ang bangkay ni Ledesma sa Nalagon Funeral Homes sa Moises Padilla para sa post mortem examination.*
