Napamatbatan sang Sandiganbayan nga guilty si anay Armed Forces of the Philippines (AFP) comptroller retired Major General Carlos Garcia sa direct bribery at facilitating money laundering.
Sa walo ka pahina nga desisyon, ginpaboran sang anti-graft court ang plea bargain ni Garcia para sa mas manubo nga kaso nga direct bribery.
Nauna na nga ginkasuhan si Garcia sang plunder nga may silot nga reclusion perpetua ukon 20 tubtob 40 ka tuig nga pagka-priso.
Ang plea bargaining ang isa ka proseso sang negosasyon sa tunga sang prosekusyon kag depensa kung sa diin, nagapasugot ang akusado nga mag-pleade sang guilty kabaylo sang iya manubo nga silot.
Magluwas sa pagka-priso, ginmultahan man sang P406.3 million si Garcia.
Sadtong 2005 kag 2009, ginpasakaan si Garcia sang plunder kag money laundering bangud sa pagka-imbolbar sa mga parehas nga akusado niya nga himata.
Nagkuha sila sang P303.2 million nga balor sang ill-gotten wealth sa mga pondo, pagpanag-iya sang duta kag iban pa nga real kag personal properties.
Nag-plead si Garcia sang not guilty sa plunder kag money laundering apang sa idalom sang plea bargaining agreement, nag-aku siya nga guilty sa direct bribery kag facilitating money laundering.
