Anay COMELEC Commissioner Guanzon gin-agda si Alex Gonzaga sa Lamhitanay sa Cadiz: “Tapat ka gid sa akon”

Gin-agda sang Cadiznon kag anay commissioner sang Commission on Elections (COMELEC) nga si Atty. Ma. Rowena Guanzon ang host kag vlogger nga si Alex Gonzaga nga magtambong sa Lamhitanay sa Dalan sa siudad sang Cadiz.

Ang bantug nga Lamhitanay sa Dalan ang isa sa ginakabig nga ‘highlight’ sang igasaulog liwat nga Dinagsa Festival sa nasambit nga siudad sini nga Enero.

“Dali na di kay sadya di dai. Tapat ka gid sa akon (lagot ka),” tweet ni Atty. Guanzon.

Gindagsa si Alex sang negatibo nga mga komento matapos ginlamhitan sang cake ang waiter sa selebrasyon sang iya ika-35 nga kaadlawan.