Bacolod City, Philippines-Suno sa mga co-workers sa Tough Star Engineering Specialist ang suspect ang gin kilala nga si ALVIN, 30+ ang edad, kag anay ka relasyon sang biktima nga si Ema Jean (driver sang Revo).
Si Ema Jean ang nag sugat lamang sa magulang sini nga si Aimee, naga trabaho bilang sekretarya sang Tough Star.
Samtang yara na sa sulod sang salakyan ang mag utod, sila ang gin pang luthang ni Alvin. Igo sa ulo ang iya (alleged) ex girlfriend nga si Ema Jean kag wala na ini maka halin pa sa driver seat sang salakyan. Samtang ang magulang naman nga si Aimee ang may igo sang bala sa dughan kag naga kayaon sa atubang sang Revo. Lunsay dead on the spot ang mag ulotod sang mag abot ang kapulisan.
Sa initial nga investigasyon sang pulis, si Alvin ang may apat lang ka bala sang iya armas nga .45 caliber pistol. Isa ka bala kada biktima nga lunsay fatal ang pagka igo. Matapos luthang sini ang mga biktima, nag tuyo ini nga mag hikog apang wala nag lupok ang 2 ka nabilin nga bala. Nag dalagan ini sa naka park nga pick up kag didto gin butang ang iya .45 sa likod sang pick up kag gin abukay ang tool box agud mag pangita sang patalum.
Nakita sini ang isa ka kutsilyo kag gilayon nga gin buno ang kaugalingon sa dughan. Sang mag abot ang .ga pulis, gin dala sang mga ini ang buhi pa kag dugu-on nga suspect sa hospital. Na recover sang mga otoridad ang murder weapon nga .45 sa likod sang pick up kag sa tupad sini ang wala na sang unod nga magazine.
Reports from Jean Paul Generoso
