Padayon nga ginatatap sa ospital ang anay Prime Minister sang Japan, nga si Shinzo Abe, matapos nga ginluthang samtang nagahatag sang speech sa isa ka campaign event sa Nara Region, sa pungsod Japan.
Naaresto sang kapulisan ang lalaki nga naga edad sang 40 anyos, kag napasakaan sang kaso nga frustrated murder, apang wala pa ginhingadlan.
Nakuha man sang mga otoridad ang armas luthang gikan sa suspek.
Base sa mga nakasaksi sa kremin, duha ka mga lupok sang armas luthang ang nabatian kag natumba ang anay prime minister sa ikaduha nga lupok.
Nakita man ang paggwa sang dugo sa li-og sang 67 anyos nga anay prime minister sang Japan.
Base sa mga media reports, posible nga nag gamit sang shotgun ang suspetsado sa pagluthang kay Abe.
Si Abe ang pinakamalawig nga nagselbi bilang Japan Prime Minister.
Napilitan si Abe nga magpanaug sa pwesto bangud sang ulcerative colitis.*
by: Sunshine Lacson
