Dakop sa ginpatigayon nga buy-bust operation takna las 3:25 sang hapon, Lunes nga adlaw Agosto 15, 2022 ang isa ka anay pulis sa Sitio Berano, Brgy. Lantad Silay City.
Ginkilala ang suspek nga si Delius Octaviano, 63-anyos residente sang nasambit nga Barangay.
Suno sa interview sang Radyo Bandera kay Police Lieutenant Colonel Mark Anthony Darocca, hepe sang Silay Police Station nga madugay na nila gina monitor sang Silay PNP kag ginakabig nga High Value Individual (HVI) si Octaviano kay nakaagi naman ini dakop.
Nakuha sa gin patigayon nga buy-bust operation ang pila ka mga non-drug paraphernalia kag 7 sachets ukon mga pakete sang gina suspetsahan shabu.
Ginabulubanta nga naga bug-at ang iligal nga droga sang 6 ka gramos kag nagabalor sang ginabulubanta P40,800.
Pagapasakaan naman ini sang kaso sa pagbayolar sa section 5 kag 11 sa pag baligya kag pag hupot sang iligal nga droga sang Republic Act 9165 ukon Comprehensive Dangerous Drugs Act of 2002.
