Tuesday, December 6, 2022

Anay pulis nag suicide matapos nga ginpatay ang 22 ka mga kabataan sa Day Care Center sa Thailand

- Advertisement -

Napuno sang kasubo ang lugar sang Na Klang sa pungsod Thailand, sang makit-an ang mga ambulansya kag iban pa nga mga salakyan, nga nagdala sang 34 ka mga bangkay pag-gwa sa ila lugar.

Sila ang mga biktima sa nagluntad nga massacre sa Day care Center sa diin 22 diri ang lunsay magagmay pa nga mga kabataan, nga ginbuno kag ginpangluthang sang anay pulis, nga ginkakas sa iya trabaho bangud sa gin alegar paggamit sang iligal nga druga.

The coffins of victims of mass shooting in Thailand.*

Ginkilala ang suspek nga si Panya Khamrapm.

- Advertisement -

Suno sa kapulisan, gilayon nga nagpauli sa ila puluy-an ang suspek kag ginpatay man ang iya anak kag asawa, antis ginluthang ang iya kaugalingon.

Ginlaragway sang rescuer nga si Piyalak Kingkaew ang insidente bilang pinakamakasilidni sa tanan nga kremin nga ila gin respondihan.

Ginsaysay sang mga nakasaksi sa insidente nga naggamit sang kutsilyo ang suspek nga pulis, sa pagbuno sa mga magagmay nga mga kabataan.

Pila sa mga kabataan ang nagatulog pa sang ginpatay sang suspek.

Sa kabilugan, 36 ka mga indibidwal ang nabawian sang kabuhi, kalakip na diri ang asawa kag anak sang suspek.

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles