Anum ka Suspek Arestado sa Pagpanahor sa Talisay

Arestado ang anum ka persona nga nagahampang sang tong-its sa ginpatigayon nga operasyon batuk sa illegal gambling sa Purok Mahidaiton, Brgy. Zone 14, sa syudad sang Talisay sang Miyerkules, Hunyo 15.

Nakumpiskar sang kapulisan ang duha ka set sang baraha, iban pa nga kagamitan sa pagpanahor, P120, kag P114 nga taya.

Ara subong ang mga nadakpan sa kustodiya sang Talisay City Police Station bangud sa paglapas sa Presidential Decree No. 1602 ukon ang mga penalidad angut sa Philippine Gambling Laws.

Nakilala ang mga nadakpan nga sanday Ernie Cordovilla, 58-anyos; Victoria Damieo, 52-anyos; Rosalinda Broce, 52-anyos; Perly Serfino, 29-anyos; April Broce, 22-anyos; kag Ana Mae Genaga, 36-anyos.