Apat arestado sa buy-bust sa drug den sa Kabankalan

Arestado ang apat ka mga lalaki sa ginpatigayon nga buy-bust operation sa isa ka gina-alegar drug den sa Purok Star Apple, Barangay 6, syudad sang Kabankalan, takna las 12:05 sang udto, Lunes, Marso 27, 2023.

Yari ang mga nadakpan nga residente tanan sang syudad sang Kabankalan:

• Antonio Pineda alias “Antik”, 42-anyos (drug den maintainer)
• Kent John Lisas, 24-anyos, construction worker (visitor)
• Alexis Besas, 21-anyos, construction worker (visitor)
• Georgie Omdac, 22-anyos, construction worker (visitor)
• Jimuel Pineda, 30-anyos (at-large)

Nakumpiskar sa mga nadakpan ang lima ka pakete, nalakip na ang buy-bust item sang ginasuspetsuhan shabu, nga nagabalor sang P68,000.

Magluwas sa suspected shabu, nakuha man ang P500 nga buy-bust money, isa ka kahita nga nagaduag itom, isa ka improvised tooter, isa ka blue nga straw nga ginhimo scoop kag isa ka orange nga lighter.

Sa karon yara na ang mga nadakpan sa kustodiya sang PDEA VI NOCPPO para sa nagakaigo nga disposisyon.*