Tuesday, October 4, 2022

Apat Dakup sa Pagplano nga Pag-Export sang Kapin 100 ka Wildlife Species

- Advertisement -

DAVAO OCCIDENTAL – Arestado ang apat ka mga lalaki nga maga-export kuntani sang kapin 100 ka wildlife species sa baybayon sang Glan sa probinsya sang Sarangani sa Davao Occidental.

Suno kay Community Environment and Natural Resources Office (CENRO) Officer Dr. Rosalinda Cortez, nagapatigayon sang sea patrol ang Coast Guard sang nakita nila ang mga suspek nga gikan sa Baluta Island nga may ginabyahe nga suspetsuso nga kahon.

The confiscated wildlife species from 2 illegal exporters. Photo from Glan, Davao Occidental CENRO.

Sang ginbuksan sang mga otoridad ang kahon, natukiban ang nagkalain-lain nga reptile species kag nahibaluan nga wala sang permit ang mga suspek sa pagpanag-iya kag pag-export sang nasambit nga kasapatan.

- Advertisement -

Nakumpiskar sa mga suspek ang tatlo ka mga Asian Forest Tortoise, isa ka Banggai Monitor Lizard, kag isa ka green Iguana nga natukiban nga wala na sang kabuhi bangud sa “stress” kag “mishandling”.

Gindeklarar sang Glan municipal veterinarian nga wala sang balatian ang kasapatan nga yara na sa kustodiya sang eco park agud ipaidalum sa recovery antes ini isaylo sa Regional Wildlife Rescue Center sa Lutayan, Sultan Kudarat.

Pagasakaan naman ang apat ka mga suspek sang kaso sa paglapas sa RA 9147 ukon Wildlife Resources Conservation and Protection Act of 2001.

Yari ang nakumpiskar nga wildlife species, base sa report sang CENRO-Glan:

– 22 Green Iguana (Iguana iguana)

– 1 Blue Tree Monitor Lizard (Varanus macraei)

– 3 Green Tree Monitor Lizards (Varanus prasinus)

– 2 Banggai Monitor Lizards (Varanus melinus)

– 4 na black and white Tegu (Salvator merianae)

– 1 Giant Blue-tongued Skink (Tiliqua gigas)

– 11 Eastern Blue-tongued Skink (Tiliqua scincoides)

– 3 Red-footed Tortoise (Chelonoidis carbonarius)

– 6 na Leopard Tortoise (Stigmochelys pardalis)

– 8 Mediterranean Tortoise (Testudo sp.)

– 42 Asian Forest Tortoise (Manouria emys)

– 2 heads Pig-nosed Turtle (Carettochelys insculpta)

– 3 Cobra (Naja sp.)

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles