Nagpadulong ang Radyo Bandera Bacolod news team sa encounter site, mga isa ka oras nga lakat, sa nabukid nga bahin sang Binalbagan, Negros Occidental, kun diin nagluntad ang pagbayluhanay sang lupok sang mga ginapatihan katapo sang New People’s Army kag tropa sang 94th Infantry Battalion kag 2nd Negros Occidental Provincial Mobile Force Company, sini nga hapon, Hulyo 6, 2022.
Patay ang apat ka mga rebelde, tatlo diri ang lalaki kag isa ang babayi.
Sandig sa inisyal nga report sang 303rd Brigade, naka-engkwentro ang tropa sang gobyerno sang kapin 15 ka mga miyembro sang NPA.
Nakumpiskar sang mga katapo sang 94th IB ang isa ka M16 rifle nga may M203 grenade launcher, isa pa ka M16 rifle, M14 rifle, kalibre .45 nga pusil kag subersibo nga mga dokumento.
Wala naman sang may nasamaran sa tropa sang gobyerno.*
