Apat ka Mga Panimalay sa Isabela, Nasunog

Tatlo ka balay ang ginakabig nga totally burned samtang isa ang partially burned sa nagluntad nga sunog sa Hacienda Alicante, Brgy. Bungahin sa banwa sang Isabela, Negros Occidental kaina sang aga, Pebrero 7.

Si Brgy. Kagawad Perpedito Tano ang nagpahibalo sa Isabela Fire Station sang nagluntad nga sunog sa mga panimalay sang mga Villarico kag mga Rama kaina las singko sang kaagahon (5:40AM).

Gilayon nga nagresponde ang mga katapu sang Fire Station agud matapna ang bilin nga kalayu.

Ginabulubanta nga nagabalor sang P150,000 ang halit sang nagluntad nga sunog.Padayon nga ginahiwat sang BFP ang imbestigasyon agud matumod ang ginhalinan sang kalayu.*