Nagresulta sa trahedya ang pagpaligo sang magpamilya sa Kabilang-bilangan Reef, Brgy. Sicaba, sa syudad sang Cadiz kun diin apat ang nalumos-patay sang Domingo, Agosto 28.
Base sa imbestigasyon sang Cadiz City Police Station, ginpahayag sang isa sa mga nakaluwas nga una nga nalumos ang 15-anyos nila nga upod, rason kun ngaa naninguha ang iban agud maluwas ini.
Apang wala sila tanan nakaluwas bangud sa mabaskog nga balod sang dagat.
Dugang pa sang Philippine Coast Guard (PCG)-Cadiz City Sub-Station, naabtan sang taob kag wala nakasaka sa tower ang mga biktima.
Gindala pa ang mga biktima sa Cadiz City Emergency Clinic kun diin gindeklarar nga patay ang apat.
Yari ang mga biktima nga lunsay mga residente sang Brgy. Zone 1:
1. Remymar Ocon, 31-anyos (14:45 gindeklarar patay)
2. Merabe, 13-anyos (14:55 gindeklarar patay)
3. Aguirre, 15-anyos (15:03 gindeklarar patay)
4. Marlyn Aguirre, 33-anyos (15:30 gindeklarar patay)
Nagdesisyon ang lokal nga pamunuan sang syudad sang Cadiz nga temporaryo nga isarado sa publiko ang Kabilang-bilangan Reef samtang ginabinagbinag pa kun permanente ini nga igasara.
