Asawa Ginlampusan sang Gasuelette kag Ginbuno sang Ice Pick sang iya Bana

DASMARIÑAS CITY, CAVITE – Kritikal ang kondisyon sang isa ka babayi matapos ini ginlampusan sang gasulette sa ulo kag ginbuno sang ice pick sang iya mismo bana sa Brgy. Paliparan 3 sa Dasmariñas City, Cavite.

Ginkilala ang biktima kay Catherine Logroni kag nagsungka naman ang bana sini nga si Rolando Bonete; lunsay mga residente sang Blk. 179, Lot 17, Phase 4, Brgy. Paliparan 3.

Nahibaluan nga naglalisanay ang mag-asawa, rason kun ngaa nanginit ang bana kag ginkuha sini ang gasulette kag ginlampos sa ulo sang iya asawa.

Wala pa nakuntento ang bana kag ginbuno pa sini sang ice pick ang iya asawa.

Nangayo naman sang bulig ang utod sang biktima kag gindala ini sa ospital agud mabulong.