Friday, March 29, 2024

“ASSET” NGA KAUPOD SANG PULIS SA COMMONWEALTH SHOOTOUT, NADAKPAN SA BUY BUST OPERATION SADTON ENERO SUNO SA NBI

- Advertisement -

Nagaguwa nga nadakpan sadtong Enero sa buy-bust operation ang “asset” ukon impormante sang mga pulis sang Quezon City Police District nga kaupod nila sa nagluntad nga engkwentro sa Philippine Drug Enforcement Agency (PDEA) sa Commonwealth Avenue, Quezon City, suno sa National Bureau of Investigation (NBI).

photo from gma news

Sa report sang GMA News, ginahibalo sang NBI kung paano na-upod sa operasyon sang QCPD ang ginasiling “asset” nga si Jonaire Decena.

Nagaguwa man sa imbestigasyon sang NBI nga nadakpan si Decena sa buy-bust operation satong Enero rason nga dapat ini naka-detain.

- Advertisement -

“We will try also to reach out to some other personalities involved but who are not free at this time to cooperate at this time,” palayag ni NBI deputy director Ferdinand Lavin.

Ginasiling, nga si Decena ang tawo nga nagpakig-angot kag nagpakig-transaksyon naman sa “asset” sang PDEA nga si Untong Matalnas antes nagluntad ang pagpalupok nga nagresulta sa pagkamatay sang lima ka persona kalakip ang duwa ka pulis, isa ka PDEA agent kag PDEA asset.

Kalakip si Mantalnas sa mga napatay sa engkwentro apang gina-imbestigaran kung paano siya napatay bangod may kuha sa CCTV nga nakita nga ginkuha siya sang mga lalaki nga ginapatihan mga pulis.

Ginpaidalom naman sa forensic examination ang mga cellular phone sang mga imbolbado sa engkwentro.

Na una na nga ginpanginwala sang QCPD kag PDEA nga lunsay lehitimo ang ila tagsa-tagsa nga operasyon.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles