Nagpagwa sang advisory ang Philippine Institute of Volcanology and Seismology sa pagtaas sang volcanic sulfur dioxide gas emission ukon asupre nga halin sa baba ukon crater sang Mt. Kanlaon.
Base sa Flyspec measurements kagapon, Abril 30, 2023, naga average sa 1,099 tonnes/day ang naggwa sa Kanlaon Volcano. Ini ang pinakataas nga narekord sini nga tuig.
Mataas na ini kung ikumparar sa 124 tonnes/day nga average nga ginabuga sang bulkan, sumugod Marso 2023.
“This is almost an order of magnitude higher than the average of 124 tonnes/day recorded since March 2023,” suno sa Philvolcs.
May namonitor man sa pinakauna nga tion sang volcanic sulfur dioxide concentration humalin Abril 2023.
“In addition to this, real-time and continuous volcanic gas monitoring of thermal springs on the northern slopes detected for the first time volcanic SO2 concentration beginning April 2023, for an average of five (5) per day,” suno sa Phivolcs.
Alert Level 1 sa gihapon ang Kanlaon kag padayon nga ginadumilian ang pagsulod sa 4-kilometer Permanent Danger Zone sang bulkan.*
