Naglinapta ang kuarta sa dalan, matapos nga ginhaboy sang mga kawatan nga nag ransack sang isa ka ATM sa pungsod India.
Sa CCTV footage, nakit-an ang pagsalakay sang mga kawatan sa State Bank of India sa Korutla.
Nagapalagyo na ang mga suspek sang nag-abot ang mga otoridad, apang nagbalik sa lugar, bangud nagsala sa gin-agyan nga dalan.
Sa pagbalik sang mga kawatan, ila na lamang ginhaboy ang kuarta sa karsada, agud indi na paglagson pa sang kapulisan.
Masobra sa Rs 19 lakh okon katumbas sang 1.2 milyones ka pesos ang nakuha sang mga suspek sa ATM.
Sang gin-isip na sang mga otoridad ang nakuha nga kuarta, halos bilog na sang ginkawat nga kantidad ang ginhaboy sang mga kawatan sa dalan.
Na aberya ang police mobile, rason kon nga-a wala nalagas sang mga otoridad ang mga suspetsado.*
