BACOLOD CITY– Ginabulubanta nagdangat sa 10 ang average sang mga pasaway nga drivers ang ginadakop, ginahatagan ticket, kag gina-impound ang salakyan kada adlaw sa dalan Libertad suno sa hepe sang Bacolod Traffic Auhtority Office (BTAO) nga si Police Major Junji Liba.
Dugang pa ni PMAJ. Liba, indi ma-hawan ang dalan apisar nga nagpatigayon na sang road clearing operations, rason nga madamo sa gihapon ang mga naga walk-in kag naga-ayo nga mag-pundo sang makadali agud magbakal sa merkado.
Apisar sini, nangin “manageable” sa gihapon ang trapiko sa dalan Libertad bangud nagdugang sang enforcer ang ahensiya sa iban pa nga kilid sang dalan amo ang Mabini, Mercedez, kag Lopes Jaena.
Sa kabug-usan may yara na sang 15 ka mga traffic enforcers sa Libertad Public Market nga nagabulig regulate sang trapiko sa dalanon.
Samtang, panugyan naman sang hepe sa mga pumuluyo nga magsunod sa mga opisyales sang BTAO kag mangin disiplinado agud mangin matawhay ang estado sang trapiko sa lugar.*
