Gina preparar na ang kaso batuk sa 23 anyos nga babaye, nga responsable sa pag “share” sang sex video sa messenger, sang iya man lang katupad balay sa probinsya sang Ilocos Norte.
Ginkumpirmar sang Ilocos Norte Police Provincial Office nga gin aresto na ang suspek matapos nga gin release ang warrant of arrest sa kaso nga pagbayolar sa Section 4-D sang Republic Act 9995 okon ang Anti-Photo and Video Voyeurism Act of 2009.
Biktima diri ang 19 anyos nga babaye kag isa ka estudyante sa Grade 9.
Antis e-presentar sa korte, ginpaidalum sa medical examination ang 23 anyos nga suspetsado.
Base sa nakasaad sa Section 4-D sang Republic Act 9995, wala ginapahanugutan kag isa ka paglapas sa laye ang pag “publish” okon pag broadcast, pinaagi sa print okon broadcast media, okon pagpakita sang litrato okon video okon recordings sang pagpakighilawas okon “sexual act” okon anuman nga kapareho sini nga aktibidad, pinaagi sa VCD/DVD, internet, cellular phones kag iban pa nga kapareho sini nga mga devices.*
