Babaye nga Nagabusong Nagbun-ag sang wala sa Oras Matapos Ginhimuslan sang Isa ka Soltero sa Isabela

Gindakup ang isa ka soltero matapos ginhimuslan ang isa ka babaye nga nagabusong sa banwa sang Isabela sadtong Lunes, Hunyo 13, 2022.

Suno sa imbestigasyon sang kapulisan, ginsugo ang 29-anyos nga biktima sang iya bana nga magbakal sang ice sa tiyangge lapit sa ila puluy-an.

Samtang nagalakat ini pauli sa ila balay, gintiklod sang 17-anyos nga suspek ang biktima sa kasagingan kag ginhimuslan ini sang soltero.

Gindala ang biktima sa ospital bangud sang wala untat nga pagdugo sang iya kinatawo.

Nagbun-ag sang wala sa oras ang biktima nga nagpaidalum sa operasyon.

Samtang, nagapa-ayo naman ang biktima kag ang iya anak nga yara sa stable nga kondisyon sa opsital.

Apang, yara naman ang suspek sa hot pursuit sang mga opisyales sang barangay.