Ginhimuslan sang isa ka pulis sa Pampanga ang 26 anyos nga babaye nga rider.
Sandig sa report, ginsita ang babaye bangud sa pagmaneho nga wala sang dala nga lisensya.
Ginkilala ang suspek nga si Police Staff Sergeant Robin Mangaga nga naka-destino sa checkpoint sa Mabalacat, Pampanga.
Pakadto na kuntani ang biktima sa iya trabaho sang ginsita ini sa checkpoint.
Wala naman gin-ticketan ni Mangaga ang babaye apang ginpa-impound sini ang motorsiklo.
Gindala sa impounding ang motor kag didto na naghayo ang biktima nga makuha ang iya motor.
Sa tunga-tunga sang negosasyon, hinali nalang gintyansingan ni Mangaga ang biktima kag ginpasulod pa sa iya salakyan.
Matapos sini, gindala pa sang pulis ang biktima sa motel kag didto na ginhimo ang paghimulos.
Gilayon naman nga ginbalik sang pulis ang motor sang biktima matapos ang insidente.
Ginpasakaan naman ang pulis sang kaso nga rape kag administratibo.
